De: audiolab [audiolab@ertza.net]
Enviado el: Miércoles, 22 de Junio de 2005 02:16:54 p.m.
Para: audiolab
Asunto: : : Arteleku AUDiOLAB: proposamena


>>>>>> arteleku A U D I O L A B >>>>> >>>>>
aurkezten du / presenta:

PARTE HARTZEKO PROPOSAMENA

MP3 BILDUMA

Egitasmo honen oinarri izanen diren grabaketak Luz Maria Sanchez artista mexikarrak egin zituen 2001ean. Orduan, Euskal herriko hainbat hiri, herri eta leku bisitatu zuen, bidean leku horietan bildutako landa-grabaketekin osatutako soinu bilduma osatuz. Egitasmo honek bada, 2001ean egindako grabaketa horiei bizi berri bat eman nahi die. Hortarako zuei banatzen dizkizuegu, gaur hartu eta zuen modura, nahi bezala (preferenteki noski, soinua erabiliz) molda eta interpreta ditzazuen.
Ez da nahitanahiezkoa grabaketak soinu iturri edo lan tresna bezala erabiltzea, norberak grabaketa horietan zeozer erraten dion ñabardura, egoera, soinua, kokapena edo ideia erabil dezake.

Hasiera batean (baina beti proposamenei irekia) bereziki mp3 formatuan argitaratuko dira lanak, baina posible litzake flash baita mov formatuak erabiltzea ere. Lan hauek Artelekuren webgunean zintzilikatuko dira eta creative commons lizentziapean. Artelekuk ez du dirusaririk ordainduko jasotzen diren kontribuzioengatik, baina bertatik inolako etekin ekonomikorik ez ateratzeko erantzunkizuna hartzen du bere gain. Aldiberean kontribuzioekin batera artista bakoitzaren webgunetara loturak ezarriko dira.

Zentzu horretan, piezarekin batera bakoitzak honako informazioa gehitzea interesgarria litzateke:
IZENA:
IZENBURUA:
IRAUPENA:
KREDITUAK edo LANARI BURUZKO INFORMAZIO GEHIGARRIA (aukeran):
TESTUA-BIO:
DISKOGRAFIA:
KONTAKTUA:
LOTURA:

Argazki, marrazki edo gisakoren bat gehitu.

hontarako erabiliko dugun lan metodoa aski sinplea da, auen parte hartzearen baiezkoa jasotzerakoan dagokizuen soinu pieza helaraziko zaizue (e-postaz edo cdan) eta hortik aitzinera zuen txanda izanen da. Preferenteki konposizioek ez dute 5 min. iraupena gaindituko, webguneko erabiltzaileek ere pisu haundiko artxiboak ez ditzaten aurkitu.

Bidenabar, eta 2001ean egitasmo honek abiatu zuen bideari jarraituz, Euskal Herriko soinu mapa gisako bat osatzen ari gara. Hortaz, zinez eskertuko genizueke zuen herrietako landa grabaketaren bat gehituko bazenute, horrela egitasmoari berari bizitza luzeagoa eman eta soinu mapa aberats bat osatzeko.

Espero dugu zinez esperientzia interesgarria irudituko zaizuela.
Hortaz, zuen erantzunaren zai gelditzen gara.

milesker.