Orain dela 3 urte Rob Dyrdek , Ipar-Ameritako eskater-profesionalak, “Skate-Plaza ” kontzeptuari buruz berriketan hasi zen TWS Skateboarding aldizkarian . Street_skating-aren arrakasta dela eta (90ko hamarkadaren lehenengo urteotan garatzen asi zen patinatzeko modu teknikoa ahin zuzen) patinatzaile gaztetxoak skate-parketan egotea baino, beraien hirietako kaletan edo enparantzetan nahiago dute "jolastu" edota irristatu.

Lehen aipatutako patinatzailearen ustez, gaur egungo eskaterrek Embarcadero (San Franciscoko, Justin Herman Plaza, EMB bezala ere ezaguna, ta Mike Carroll edo Henry Sanchez patinatzaileen "etxea" 92/93 urteotan) edo Love Park (Filadelfiako eskater ezagunak atera dira hemendik, adibidez: Ricky Oyola , Stevie Williams ...) antzeko herri-enparantzetan nahiago dute irristatzea, “U” formako ranpetan (edota igerileku antzeko pistetan ) baino. Kaleetan patinetean ibiltzearen ilegalitatea dela eta, gure hirietan ikusten ditugun: eraikinak, eskailerak edota barandak kopiatuz “skatepark” freskuak eta dibertigarriak lortu ditzazkegula adierazi zuen! Eta hori da bere fundazioarekin (“street-wear” delako zapatila kompania famatu baten laguntzaz, noski!) lortu duena: Ohio-ko Kettering herrian mundu osoko lehenengo Skate-Plaza zabaltzea (2005-ko Ekainak 11an).
Gaur egun, eta hirigintza kontenporaneoaren historian lehendabiziko aldiz, eskaterrpk gure hiriaren birmoldatzearen prozesuan erantzukizun haundia lortu dezakegu. Honelako, proiektu arrakastatxuak izateko, komunitaterekin elkarlanean ibiltzea ezinbestekoa litzateke, baita ere skateboarding-aren eboluzioari jarraitzea.

*Argazkia: Irun-go (Gipuzkoa) epaitegi berriaren inguruko eraikuntzak... eskatean ibiltzeko aproposak!